Казнети четириесетина брзи возачи во Гостивар

Вчера (4 јули) од 17 до 23 часот на подрачјето на СВР Тетово спроведена е општа акциска контрола во сообраќајот. При контролата биле откриени и санкционирани вкупно 74 прекршоци (ТЕ-33 и ГВ-41).

Според информациите од полицијата сите прекршоци во Гостивар за пречекорување на максимално дозволената брзина, и тоа 34 надвор од населено место и 7 во населено место. 25 прекршоци во Тетово биле за погрешно или непрописно паркирани од кои 7 биле подигнати со специјалното возило „пајак“, едно возило имало технички неисправности, 2 возила биле со поминат рок на важност на сообраќајната дозвола, а 2 возачи поради управување возило без положен возачки испит.

Секторот за внатрешни работи Тетово уште еднаш со апел до учесниците во сообраќајот, да ги почитуваат сообраќајните правила, прописи и ограничувања, да ја прилагодат брзината според условите на патот, навреме да ја проверат техничката исправност на возилата, посебно на сопирачките и уредите за управување, но и на светлосната сигнализација, пневматиците и другите системи. На тој начин најнепосредно ќе придонесат за сопствената и за безбедноста на другите учесници во сообраќајот.