Казнети триесетина моторџии во Гостивар

Моторциклистите се најдоа во средиште на акцииите на полицијата. Вчера (21 август) во периодот од 18 до 24 часот, на гостиварското и на тетовското подрачје била спроведена е акциска контрола на моторцикли, во која вкупно биле откриени 67 прекршоци. Од нив 38 во Тетово и 29 во Гостивар.

Сите прекршоци санкционирани се со соодветни казни, соопшти Секторот за внатрешни работи.

Паричната казна за некористење на кацига изнесува 50 евра, за управување мотор без положен испит и дозвола 300 евра, додека за истечена регистрација казната се движи од 100 до 500 евра. Оние кои управуваат мотори, а немаат обновена осигурителна полиса се соочуваат со глоба од 100 евра.

Полицијата повторно упати апели за задолжително користење заштитна опрема-кациги, да не се вози без возачки дозволи, редовно да се проверуваат техничката исправност на моторите и навреме да се регистрираат.