Казнети возачи во Гостивар кои не пропуштале пешаци на пешачки премин

Полициски службеници на СВР Тетово денеска од 12 до 15 часот презедоа мерки кои се однесуваат на обврските на возачите кон пешаците, односно на недавање првенство на пешаци, во рамките на кои откриени и законски санкционирани биле вкупно 18 прекршоци, информира полицијата. Од нив 11 во Тетово и 7 во Гостивар.

„Во сите случаи станувало збор за непропуштање на пешаци на пешачки премини, по што на возачите изготвени им се соодветни поднесоци и согласно член 122 од Законот за безбедност на сообраќајот на патиштата ќе се соочат со предвидените парични глоби, во зависност од тоа како и каде е направен прекршокот, околностите и друго. При контролата, исто така, санкционирани се и 22 други видови сообраќајни прекршоци“, соопшти СВР.