Казнети возачи за пребрзо возење на патот Гостивар-Кичево

Секторот за внатрешни работи Тетово информира дека вчера (19 јануари) од 8 до 12 часот на поширокото гостиварско подрачје спроведена е засилена акциска контрола за брзина со која се движат возилата надвор од населено место, односно на магистралниот пат Гостивар-Кичево.

Откриени и санкционирани биле вкупно 5 пречекорувања на максимално дозволената брзина. На возачите-прекршители изготвени им се поднесоци и тие ќе се соочат со предвидените парични глоби.

На тетовското подрачје пак вчера од 18 до 24 часот спроведена е засилена акциска контрола на возачи, дали и колку од нив управуваат под дејство на алкохол. При контролата, биле откриени и законски санкционирани 5 возачи кои управувале под дејство на алкохол, од кои кај 1 возач е утврдено присуство на алкохол поголемо од 2 промили. Петте возачи веднаш се исклучени од сообраќај, времено им се одземени возачите дозволи и изготвени им се соодветни поднесоци. Санкционирани се и 11 други видови сообраќајни прекршоци.