Казни и предупредувања за несовесни возачи во Гостивар

Во рамки на сообраќајно-контролните активности што во овој период ги презема Секторот за внатрешни работи Тетово, на тетовско-гостиварското подрачје вчера, на првомајскиот ден биле откриени над 30 различни видови прекршоци.

Како што информира полицијата, најголемиот број од нив биле управување возила без возачка дозвола, на тетовското подрачје 11 и на гостиварското 2. Покрај тоа, при контролите било утврдено дека 4 возила ги управувале возачи-почетници, кои не се придржувале на законските ограничувања за оваа категорија учесници во сообраќајот, четири возила имале истечена регистрација, две непрописно престигнувале, едно возило користело неатестирани фолии и друго.

Откриените прекршоци соодветно се заокружени со законски предвидените поднесоци, односно со 26 прекршочни, 7 мандатни платни налози и со 6 писмени предупредувања, известува СВР.