Казни и сообраќајна поука за несовесни пешаци кои претрчувале улици во Гостивар

Пешаците се најдоа во фокусот на акциската контрола која Секторот за внатрешни работи Тетово, ја спроведе вчера, во периодот од 11 до 16 часот.

Како што информира полицијата, при контролата вкупно бил откриен 51 прекршок и тоа 37 на тетовското и 14 на гостиварското подрачје. Најголемиот дел од нив или триесет и три се однесувале на преминување на улиците надвор од пешачки премин и тоа 19 во Тетово и 14 во Гостивар. Петнаесет пешаци во тетовско не ги почитувале светлосните сообраќајни знаци или знаците што ги дава полициски службеник.

                      Постапувајќи согласно Законот за безбедност на сообраќајот на патиштата, биле изготвени 50 прекршочни платни налози и исто толку покани за сообраќајна поука, како и една писмена опомена.

Во акциската контрола биле утврдени и 18 други видови сообраќајни прекршоци кои биле соодветно санкционирани.