Казни од 100 до 500 евра – возеле без дозвола и нерегистрирани автомобили низ Гостивар

Во текот на вчерашниот ден (23 септември), полициски службеници во редовни контролни активности на гостиварското и на тетовското подрачје, откриле возачи кои седнале зад волан без возачка дозвола, како и такви кои управувале нерегистрирани автомобили.  Од вкупно откриени 10 лица кои не поседувале возачки дозволи, пет биле во Гостивар и пет во Тетово. Осум автомобили, 3 во Тетово и 5 во Гостивар биле со истечена регистрација до и над 30 дена.

На возачите без дозвола и со истечена регистрација изготвени им се поднесоци и ги очекуваат глоби од 100 до 500 евра, зависно од видот на прекршокот.

„Овие два вида на прекршоци, заедно со пребрзото возење, се најприсутните на подрачјето и годинава. Поради тоа и во наредниот период ќе бидат во фокусот на редовните и акциските контроли, со цел нивно навремено откривање и ефикасно законско санкционирање.“, соопшти Секторот за внатрешни работи