Kазни при контрола на камиони во Гостивар

На подрачјето на СВР Тетово, вчера (24 јануари) од 7 до 12 часот беше спроведена акциска контрола на товарни возила. При контролата  биле откриени и санкционирани 3 прекршоци (ТЕ-1 и ГВ-2) , од кои 1 (ГВ) се однесувал на неисправен уред за управување, а другите 2 (ТЕ-1 и ГВ-1) на неисправен уред за поврзување на влечни и приклучни возила. Покрај ова, санкционирани биле и 2 (ТЕ) возила за констатиран претовар и 1 (ТЕ) возач со важечка забрана за управување, како и 7 (ТЕ) други видови сообраќајни прекршоци.

Во втората контрола од 12 до 16 часот со која биле опфатени возила кои вршат јавен превоз на патници биле санкционирани 2 возила (ГВ) со неизвршен вонреден технички преглед и 5 возила, односно возачи (ТЕ-3 и ГВ-2) кои не ги поседувале потребните документи за вршење на ваков вид превоз.

„На сите прекршители изготвени им се соодветни поднесоци, зависно од видот и карактерот на прекршокот. Санкционирани, исто така, биле и 6 други видови сообраќајни прекршоци. Вакви и слични активности планирани се и во наредниот период во функција на подобрување на вкупната сообраќајна безбедност во поширокиот Полошки регион.“, информира СВР.