Казни за 4 лица во Гостивар кои не носеле маски во јавен превоз

Полициски службеници на СВР Тетово вчера (9 март) од 8 до 20 часот спровеле контролни активности за брзина, во кои вкупно биле изречени 26 мерки (Тетово-18 и Гостивар-8) за пречекорена максимално дозволена брзина надвор од населено место и 3 пречекорувања (Тетово) во населено место. На сите прекршители изготвени им се соодветни поднесоци и ќе се соочат со законски предвидените парични глоби и други мерки, зависно од големината на пречекорената брзина, информира полицијата.

Вчера, исто така, на тетовско-гостиварското подрачје била спроведена и акциска контрола на возила кои вршат јавен превоз на патници, претежно на автобуси и комбиња. При контролата во Гостивар санкционирани се 4 лица кои не носеле лична заштита на лицата од Ковид-19 и едно за технички неисправно возило, а во Тетово еден возач кој зборувал на мобилен телефон додека го управувал возилото. Технички неисправното возило веднаш е исклучено од сообраќај, додека против сите други прекршители ќе следуваат поднесоци.

Вчера во Тетово, санкционирани биле и 8 возачи-почетници, 4 возачи без положен возачки испит и 7 возачи кои непрописно, односно погрешно ги паркирале нивните возила.