Казни за брзо возење и возачи без дозвола во Гостивар

Секторот за внатрешни работи Тетово, продолжува со засилени сообраќајно-контролни активности. Во вчерашната акција спроведена на гостиварското и тетовското подрачје, биле откриени над 150 резлични прекршоци.

„Во средиште на контролата повторно беа брзината со која се движат возилата во и надвор од населено место и непрописното паркирање. При тоа, на тетовското подрачје откриени се вкупно 107 прекршоци, од кои 70 пречекорувања на дозволената брзина. На гостиварското подрачје, пак, бројот на пречекорувањата на брзина изнесувал 24. Покрај ова, откриени, исто така, се и 7 лица (Тетово-4 и Гостивар-3 ), кои ги управувале возилата без положен возачки испит, кои веднаш се исклучени од сообраќај и кои се санкционирани со законски предвидените поднесоци.“, се наведува во соопштението од СВР.

Во Тетово вчера биле санкционирани и 16 погрешно паркирани возила, кои го попречувале нормалното и безбедно одвивање на сообраќајот.