Казни за над 20 возачи во Гостивар поради брзо возење

Полицијата во текот на вчерашниот ден во периодот од 11 до 17 чaсот, спровела сообраќајна акциска контрола во гостиварско и тетеовско со акцент на брзината на возење.

При контролата, биле откриени вкупно 37 пречекорувања на дозволената брзина, надвор од населено место, од кои 19 на тетовското, а 18 на гостиварското подрачје, како и 30 пречекорувања во населено место, од кои 26 во Тетово и 4 во Гостивар.

Најголемиот број од пречекорувањата надвор од населено место биле за 30 до 50 километри на час, додека во населено место од 10 до 30 километри на час.

„Целта на акциската контрола е откривање и законско санкционирање на оние возачи кои не ја прилагодуваат брзината според условите на патот, односно возат побрзо од максимално дозволеното. Ова, дотолку повеќе што и годинава брзината е најчестата причина за сообраќајните несреќи кои се случуваат на тетовско-гостиварското подрачје.“, нагласува полицијата.