Вести
Ќе „експлодира“ ли КК Гостивар против Фени во сабота?
Пред нас е веќе 5-тото коло во најелитното кошаркарско натпреварување во државава. КК Гостивар одигра три натпревари од кои забележа само една победа. Го победи Кожув, загуби од Куманово и во последниот натпревар загуби од МЗТ Скопје. Но, на тој последен натпревар гостиварските кошаркари покажаа дека знаат и тоа како да играат кошарака. Три четвртини владеаа на теренот, што влева голема надеж кај спортската јавност во Гостивар, дека баш на овој натпревар „бело-сините“ ќе експлодираат и влезат во нивниот препознатлив победнички ритам.
А и сите услови се наклонети, публиката е желна за дуел, повеќе од три недели е без прволигашка кошарка, кошаркарите го чувствуваат моментот дека не смеат да ги изневерат навивачите, бодовите се прекупотребни за крајната цел која си ја зададоа пред почетокот на сезоната.
Сето ова најавува пеколна атмосфера утре во спортската сала Младост во Гостивар. Гостува Фени Индустри која воопшто не е наивна екипа. Има скор од 3 победи и 1 пораз во досегашниот дел од првенството.
На последниот тренинг Србиноски ги направи последните подготовки за утрешниот натпревар, екипата е комплетна и цврсто решена да го добие натпреварот. И сите се свесни дека поддршката од трибините на овој меч на “бело-сините” им е повеќе од потребна.
Кошаркарите, тренерот, управата ги повикуваат сите љубители на кошарката од Гостивар, да дојдат и дадат максимална поддршка на овој натпревар. Најавено е присуството на видни кошаркарски имиња на натпреварот, Фурстингер ќе има посебна поддршка од мала група која допатува дури од САД да го поддржат на овој натпревар. На полувреме организирана е забавна програма и изненадување за сите присутни во салата, посебно за најмладите навивачи на Гостивар.
Влезниците за натпреварот се продаваат во Royal Garden и B&B Тобако на центар, ќе се продаваат и пред почетокот на натпреварот на благајна. Цената е 50 денари, натпреварот започнува во 18 часот.
Навивачката група Gostivar Ultras ги повикува сите навивачи од Гостивар кои сакаат заеднички да ги бодрат кошаркарите на КК Гостивар да дојдат на ДТВ паркинг, еден час пред почетокот на натпреварот.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар