Ќе ги задоволат и најпребирливите – Мафини со ореви

Солени или благи, мафините се секогаш добар избор за вкусен залак. Има безброј начини на подготовка на овие колачиња, а ние овојпат ви донесуваме еден рецепт за мафини со ореви. Можеби на прв поглед делува како класика, но секој што ги пробал признава дека се вистинска експлозија од задоволство кое се топи во уста.

состојки:

2 јајца

половина филџан масло

2 лажици путер

1 филџан шеќер

1 филџан брашно

1 филџан кисело млеко

половина филџан сецкани ореви

прашок за пециво

ванилин шеќер

подготовка:

Јајцата изматете ги со путерот и шеќерот. Потоа додадете брашно, ванилин шеќер, прашок за пециво и кисело млеко. Смесата треба да биде малку поретка од стандардна смеса за торта. На крај ставете ги сецканите ореви.

Распределете во калап за мафини и печете околу 25 минути на 180 степени. Украсете ги по желба со шлаг, чоколадни трошки, овошје…