Гостивар
Ќе има ли новогодишно украсување на Гостивар?
Во буџетот на Општина Гостивар годинава не се предвидени финансиски средства за новогодишно украсување на градот. Глобалната економска криза си го направи своето и мора да се штеди, да се намалуваат трошоците, велат од локалната самоуправа. Сепак, се прават напори, со поддршка на приватни компании да се обезбедат услови за украсување барем на централниот дел на градот.
„Општина Гостивар како и сите други општини, институции па и граѓаните се справува со голема криза поради енергетската криза и ситуацијата во Украина која влијаеше врз економијата. Општината годинава нема определено буџетска ставка за украсување на градот. Сепак, во преговори сме со неколку компании и поединци кои сакаат да помогнат во тој правец и се надеваме дека со нивна помош ќе имаме симболично украсување на градот, за сите ние како граѓани и нашите деца да ја почувствуваме таа новогодишна атмосфера.“, вели претседателот на Советот, Валбон Лимани.
Доколку општинарите успеат во намерата да ја добијат потребната поддршка од приваните фирми, на плоштадот ќе има новогодишна елка, неколку други декоративни елементи и на околното подрачје ќе се инсталираат украсни светилки.
Исто така, по повод новогодишните празнувања има иницијатива во Гостивар да се организира музички настан, во кој би се вклучиле локални изведувачи.
Поради високите цени на електричната енергија и препораките на Владата за заштеда на струја, дел од општините нема да трошат средства за новогодишно украсување и за новогодишни манифестации.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk