Ќе има ли поголем ред? Скоро 350 казни за погрешно паркирање во Гостивар годинава

Секторот за внатрешни работи Тетово ги интензивираше мерките и активности за поголем ред и безбедност со паркирањето во Тетово и Гостивар. Во изминатите скоро осум и пол месеци на поширокото тетовско подрачје вкупно биле изречени 4.655, а на гостиварското 348 мерки кои се однесувале на непрописно, односно погрешно паркирање, најчесто во таканаречени „двојни редови“, во зона на крстосници, на тротоари, во зеленило и на други недозволени места.

Значителен број од изречените мерки биле комбинирани и со подигнување на погрешно паркираните возила од  „пајак-служба“, посебно оние кои го попречувале нормалното и безбедно движење на другите учесници во сообраќајот. На  сопствениците на непрописно паркираните изготвени им се соодветни поднесоци и зависно од тоа – каде ги оставиле, ќе се соочат со парични глоби кои за овој вид прекршоци се движат од 40 до 180 евра во денарска противвредност.

Секторот за внатрешни работи Тетово со повторен апел до возачите да бидат одговорни како учесници во сообраќајот и да внимаваат како и каде ги паркираат возилата и да не го попречуваат и забавуваат одвивањето на сообраќајот, посебно во централните градски подрачја, каде е и најголема вкупната сообраќајна фрекфенција на возила и пешаци.