Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 17/05/2019 | 17:39

Ке прифатат ли народните пратеници нарко – тест?

Сите пратеници в понеделник да направат нарко – тест, за тоа дали користат дрога побараа денеска од независната пратеничка група на ВМРО-ДПМНЕ. Осумчлената група поднесe Иницијатива до собранискиот спикер Талат Џафери да создаде услови за да се спроведе тестот. Проверката бараат да биде на доброволна база.

Тестови за пратениците вчера побараа од ДУИ и од ВМРО-ДПМНЕ. А денес, од редовите на СДСМ изјавија дека е прифатлива иницијативата, сите пратеници во Собранието доброволно да направат тест за наркотични средства. Во изјавите пред медиумите сите партии се согласија дека се спремни да го направат тестот, но дали ќе го спроведат на дело или се ќе држат само на „моралинте“ изјави, останува на нив.

Од кабинетот на претседателот на Собранието Талат Џафери, велат дека тој ќе ја разгледа иницијативата и ќе се произнесе по неа.

Иницијативата доаѓа по скандалот со аудио снимката и изјавата на пратеникот Богоевски дека порачувал недозволени супстанци.

Напишете коментар

Close