Километарски колони на границите, граѓаните чекаат со часови

Летните одмори, доаѓањето на печалбарите и илинденскиот празник ги наполнија патиштата со возила и интензитетот на сообраќај е значително зголемен. Иако според официјалните информации на граничните премини се чека од 40 минути до еден час, граѓаните реагираат дека чекаат со часови, а колоните автомобили се толку долги што не можат ниту да ги видат граничните премини.

„Чекаме веќе неколку часа на граничниот премин Табановце, има можеби 8 километри колоната од авотомобили. Сите наоколу се веќе нервозни и револтирани од толку чекање.“, рече граѓанин за Gostivarpress.mk.

АМСМ во последното соопштение објавено во 12.30 часот наведува дека: „Интензитетот на сообраќај на патните правци надвор од градските средини е зголемен. На ГП Табановце времето на чекање за влез во државата е околу еден час, а на ГП Богородица за излез се чека околу 40 минути. На останатите гранични премини, од македонска страна, нема подолги задржувања за влез и излез од државата.“