(Обновено) “КК Гостивар 2015” со победа стартуваше во КУП натпреварувањето

“КК Гостивар 2015” успеа да ја премине првата препрека во Куп натпреварувањето. Гостиварци го совладаа прволигашот “КК Струмица” и се на пола пат до финалниот куп турнир. Во доста изедначен и резултатски неизвесен натпревар, домашните повеќе ја посакуваа победата и се изборија да ја добијат. И покрај студеното време и студената сала околу 350 гледачи и се радуваа на победата.

КК Гостивар 2015 – КК Струмица 80:75 (22-19; 15-18; 24-18;19-20)

Со победата против Струмица, кошаркарите на Гостивар обезбедија уште еден дуел во Купот на Македонија, во кој за противник ќе го имаат скопски Вардар. Со последната победа лидерот на Втората лига, екипата на Гостивар 2015, ќе игра уште еден меч. За една недела, односно на 8. февруари, пред домашната публика во Гостивар, за место на „Фајнал-ејт“ гостиварци ќе ја пречекаат екипата на Вардар го демолираше Пелистер.

Натпреварот помеѓу Гостивар и Струмица беше вистинска куп-пресметка. Домашните кошаркари беа во постојано водство. Најголемата предност гостиварци ја реализираа во третиот дел од играта, имаа плус од шест поени (61:56). Потоа имаа и уште повисоки (64:57). По серијата на Струмица, (8-0), гостите го вратија водството. По 16тиот поен на капитенот Богоев, дојдоа до „минималец”, (65:64). Гостиварци возвратија со седум коша и предност од шест разлика (71:65). Тоа најави дека последните три минути ќе бидат „пенал-завршница”. Во неизвесната завршница повторно се истакна Димитриевски (28), погоди четири последователни слободни фрлања и помогна Гостивар да дојде до 76-70. На крај, домаќините успеаја да слават во тесен и неизвесен натпревар со 80-75.

Покрај Димитриески кој даде 28. поени, но имаше и пет скока и две асистенции, придонес за победата имаше и Серафимоски кој даде 12 и останатите осум играчи кои се вградија во успехот, и победа над прволигашот Струмица.