КК Гостивар – Блокотехна, денеска од 18 часот

Екипата на Блокотехна достави барање до гостиварскиот клуб, поради нивниот згуснат распоред да се презакаже натпреварот за во недела. КК Гостивар како клуб со широко спортско срце, го прифати барањето натпреварот да се одигра на големиот христијански празник Прочка. Па, така натпреварот од 17-тото коло помеѓу КК Гостивар и Блокотехна се игра денес од 18 часот.

Во Младост, гостува до вчера првопласираната екипа на табелата во Првата Македноска кошаркарска лига и еден од главните фаворити во БИБЛ лигата. Во досегашниот дел од првенството Блокотехна има скор од 13 победи и само два порази, единствениот пораз на домашен терен им го нанесе токму екипата на КК Гостивар, во првиот дел од сезоната. Србинот Мијатовиќ, Николиќ, американецот Пен, последното засилување Божо Думиќ се најсилното оружје на тренерот Илиевски, гевгеличани се меѓу главните фаворити за освојување на годинешното првенство.

КК Гостивар после многу важната, но трилер победа во минатото коло против Фени во Кавадарци, го очекува уште еден тежок натпревар со погоре споменатата екипа. Избраниците на Србиноски ја научија лекцијата дека ниту еден противник не ги дава лесно бодовите и натпреварот мора да се одигра 40 минути на високо ниво. Петте дополнителни минути во Каварадци покажаа дека оваа екипа и тоа како знае да игра кошарка. Со победа денеска „бело-сините“ безмалку ќе ја осигураат четвртата позиција, што е и цел пред почетокот на Супер лигата. Моментално се наоѓаат на 6. позиција, но со два натпревари помалку од четврто и петопласираната  екипа.

Последниот натпревар во Младост против МЗТ Скопје, ги сруши сите досегашни рекорди во посетеност. И на овој натпревар подршката на кошаркарите од трибините им е повеќе од потребна. Натпревараот започнува од 18 часот, влезници може да се набават во Royal Garden и B&B Tobacco, како и на благајна пред почетокот на натпреварот.