КК Гостивар денеска го пречекува Пелистер (18 часот)

Прволигашката кошарка се враќа под обрачите во Спортската сала Младост во Гостивар,  после две недели пауза поради обврските на нашата репрезентација.

Противник на гостиварци во 9-тото коло ќе биде екипата на Пелистер од Битола. Битолчани се во долниот дел од табелата, имаат скор од само една победа и седум порази. Ги имаат Харис и Бејлер кои им се најопасни играчи.

„Бело-сините“ влегуваат во овој дуел со пет победи и два порази. Серијата од четири победи по ред е мотив повеќе за домашната екипа да се продолжи убавиот низ и да се граби кон врвот. Победнички расположени последниот тренинг го одработија сите кошаркари.

Поддршката од трибините на кошаркарите на КК Гостивар неопходна им е и на овој дуел. Натпреварот започнува од 18 часот, влезниците се 50 денари, може да се набават во Royal Garden и B&B Tobacco, како и на благајна пред почетокот на натпреварот.