КК Гостивар денеска му гостува на Феникс 2010 во Скопје

Се поблиску е крајот на годинешната Суперлига во најсилното кошаркарско натпреварување во земјава, во која ќе мора да се издвојат најдобрите четири екипи кои ќе продолжат во финалниот Плеј-оф. На 4. кола пред крајот само МЗТ Скопје и Пелистер се сигурни патници, за останатите две места за кои се борат КК Гостивар, Еуроникел, ТФТ Скопје и Феникс 2010 поради тесната разлика, ќе мора да се одиграат уште неколку кола.

КК Гостивар денеска му гостува на можеби најголемиот должник сезонава Феникс 2010, дебитантот во првата лига на гостиварци им нанесе два порази од три натпревари сезонава, од кои еден и во Суперлига во Младост во Гостивар, што може премногу да ги чини „бело-сините“.

На Гостивар според моменталниот распоред на табелата за сигурно место во Ф4 потребни му се две победи во претстојните четири натпревари, во игра се и со друг расплет на настаните, но во таков случај ќе мора да се надеваат некој друг да ја заврши работата.

Денешниот дуел со Феникс се игра во СЦ Јане Сандански од 20 часот. Натпреварот во живо на интернет може да го следите ТУКА.