КК Гостивар денеска на гости кај ТФТ Скопје

Колото број 14 во Првата македонска кошаркарска лига покрај вечното дерби помеѓу МЗТ Скопје и Работнички, носи уште еден интересен дуел од горниот дел на табелата помеѓу ТФТ Скопје и КК Гостивар.

Формата на „црно-белите“ од Тафталиџе е во нагорна линија, од пет последни натпревари избраниците на Боро Смилковски имаат само еден пораз од МЗТ Скопје. Со 8 победи и 5 порази се наоѓаат на 4. позиција веднаш зад КК Гостивар кој има бод повеќе.

Гостиварци по бурниот период во кој од 5 натпревари запишаа 3 порази, во овој дуел влегуваат после големата победа над шампионот МЗТ Скопје, што сигурно ќе значи ветaр во грб пред денешниот дуел со учесникот во АБА2 натпреварувањето и директниот конкурент за третата позиција ТФТ Скопје.

Од седум последни меѓусебни средби КК Гостивар има 4, ТФТ Скопје 3 победи.

Натпреварот се игра во СЦ Кале од 18 часот, во живо може да го следите ТУКА.