КК Гостивар денеска по „трета среќа“ против ФМП во Скопје

Загубен натпревар од Куманово дома, па пораз од Пелистер во гости. Со ваков исход од последните два натпревари, КК Гостивар влегува во денешниот натпревар против екипата на ФМП Академија од Скопје.

После одличното отварање на сезоната и заземањето на првата позиција на табелата, кошаркарите на Гостивар одиграа два лоши натпревари со кои ги подзагрижија навивачите и љубителите на кошараката од регионот. Но, и многу поскапи и поискусни екипи не можат во континуитет да го одржуваат победничкото ниво, резултатски и не многу загубено. КК Гостивар со скор од 6 победи и 3 порази е на делба на второто место на табелата.

Победата на вечерашниот натпревар против ФМП не е дилема за гостиварци. Се освен победа и убедлива игра, ќе го отвори прашањето на „сериозна криза“ во гостиварскиот клуб.

Екипата на ФМП сезонава дебитира во Првата македонска кошаркарска лига, имаат збир од 3 победи и 6 порази. Но, екипата од Кисела Вода како одминуваат колата така остава се поубедлив впечаток дека местото им е во елитата, покажаа „заби“ во дуелите со многу посилни противници од нив. Во привиот меѓусебен натпревар сезоната ФМП академија загуби од екипата на КК Гостивар во Младост со резултат 95-75.

Натпреварот денес се игра во спортската сала „Независна Македонија“ во Кисела Вода, од 19 часот.