КК Гостивар доби покана од БИБЛ лигата

Раководството на Кошаркарскиот клуб Гостивар, доби официјална понуда за учество на гостиварскиот клуб во престојната сезона во Балканската лига.

„Точно е дека разговаравме со претставниците на ова натпреварување во неколку наврати и имаме отворена понуда за учество во лигата. Почестени сме со понудата, како и со фактот што највисокото раководство на оваа лига беше доста запознато со состојбата на нашиот клуб, како и за атмосферата на нашите натпревари во Гостивар. Сеуште немаме конечен одговор, информирани се Управниот одбор и стручниот штаб, за некој ден ќе имаме јасен став“, велат од КК Гостивар.

Понудата не е изненадување, уште минатата сезона од клубот најавија дека во блиска иднина ќе се потрудат да бидат дел од меѓународно натпреварување, дали тоа ќе биде БИБЛ или некое друго повисоко натпреварување останува да дознаеме.