КК Гостивар-Еуроникел од 17.30 часот – Дуел за прво место на табелата

Подолго време во македонската кошарка немало борба за првото место на екипи од внатрешноста на државата. Таква е моменталната состојбата на табелата после 6 одиграни кола, во сезоната 2019/2020.

Екипите на КК Гостивар, Кожув, Еуроникел и МЗТ Скопје се во трка во која распоредот до сега го правеше подобрата кош разлика. Кожув моментално е лидер на табелата, КК Гостивар втор, МЗТ трет, Еуроникел четврти. Кожув има натпревар повеќе, МЗТ Скопје го игра вечното дерби со Работнички и во директен дуел денеска се среќаваат КК Гостивар и Еуроникол 2005.

Екипата од Кавадарци, под новото име Еуроникел 2005 првпат ќе игра во Гостивар. Новите сопственици на Фени индустри, вложувајќи милиони во компанијата, чија сопственост е и клубот најавија и силен кошаркарски клуб со ново име. Избраниците на тренерот Самарџиев во досегашниот дел од сезоната имаат скор од 5 победи и 1 пораз од Кожув, во минатато коло ја совладаа екипата на Работнички. Долгиот искусен ростер е најсилната страна на кавадрчани.

За гостиварци калкулациите се јасни пред овој натпревар, со победа над Еуроникел се враќа на врвот на табелата. Во последните четири меѓусебни дуели КК Гостивар нема пораз од оваа екипа. Александар Костоски поради повреда нема да може да им помогне на „бело-сините“.

Натпреварот започнува од 17.30 часот.