КК Гостивар го доживеа првиот пораз, Куманово славеше 82-70

Кошаркарите на Гостивар го запишаа првиот пораз во 7. коло во сезоната. КК Куманово беше подобар во денешниот дуел славејќи 82-70.

Доста неефикасно го отворија натпреварот и двете екипи, после 5 минути игра резултатот беше (9-9), за пред крајот на првиот период шутерски се разбудат и постигнат резултат (17-23). Домаќините најдобрите 10 минути ги одиграа во вториот период, на сметка на лошиот шут за три на гостиварци успеаа да ја добијат четвртината со (28-12), заминувајќи на полувреме со 10 поени позитива, односно 45-35.

Во вториот дел продолжи неефикасната игра, во период со многу грешки на двете страни домаќините успеаа да го зголемат водството, добивајќи го периодот (19-16), екипата на Гостивар по 30 минути игра постигна само една тројка од 18 обиди. Последните 10 минути кошаркарите на Гостивар ги отворија со серија од 0-11, намалувајќи ја разликата само на 5, кога на сцена настапија судиите. По еден груб блок врз Димитриевски не беше досуден фаул за гостите и веќе во следниот напад досудена техничка грешка врз истиот играч по која Куманово го постигна првиот поен во периодот. До крајот на натреварот кумановци успеаа да ја задржат предноста, славејќи на крајот со резултат 82-70.

Марјан Јанески беше најефикасен со 22 поени, Пипкинс постигна 15 поени.

Во следното коло КК Гостивар ќе ја пречека екипата на Чаир 2030, Куманово му гостува на Работнички.