Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

  • Дата: 05/03/2018

КК Гостивар го пречекува шампионот МЗТ Скопје

После неколку неделната пауза поради Куп натпреварувањето и настапите на нашата репрезентација. Кошарката се враќа под обрачите во спортската сала Младост во Гостивар. Овој пат екипата на Марјан Србиновски го пречекува актуелниот шампион МЗТ Скопје.

Тежок натпревар за гостиварци против третопласираната екипа на табелата и единствениот претставник од Македонија во АБА лигата. Освојувач на Купот на Македонија во Кавадарци. Екипа за која се е кажано. За МЗТ е познато дека скоро секаде ги пратат нивните навивачи, па така после многу години во Гостивар е најавена да гостува една вистинска навивачка група, популарните Family Aerodrom.

“Бело-сините” во тешкиот распоред периодов играат топло-ладно, до сега не совладаа екипа од врвот на табелата, се наоѓаат на петотто место за кое треба да се борат да го задржат. Фени Индустри и АВ Охрид се само на бод, односно два бода негатива.

Пред домашната публика на овој натпревар треба да се претстави и најновото појачување на КК Гостивар, американецот Таварион Никс.

Поддршката од трибините на овој меч на “бело-сините” им е повеќе од потребна. Кошаркарите, тренерот, управата ги повикуваат сите љубители на кошарката од Гостивар, да дојдат и дадат поддршка на овој натпревар. Натпреварот се игра во вторник, 6 март од 18 часот.

Влезниците се пуштени во продажба може да се набават во: Royal Garden, Сендвичара М, Baby Blue, Pizza Mia, People и Intermezzo.

 

Оставете коментар

Вашата Емаил адреса нема да биде објавена.Задолжителните полиња се означени *

*