КК Гостивар го „прегази“ Фени Индустри 94:70

Во преполната сала Младост, КК Гостивар го прегази гостинот од Кавадарци 94:70.

Одличен натпревар одиграа вечерва избраниците на Србиноски. Уште од првиот минут беа решени да го добијат натпреварот и наметнаа игра за која гостите немаа одговор. Првата четвртина ја добија 27:22, Фени единствено се закани во втората четвртина во која на кратко и го презеде водството, но тоа беше се што прикажаа гостите. Во вториот дел КК Гостивар експлодира 33:17 заврши третата, 21:13 последната четвртина, прашањето околу победникот беше решено.

Костоски одигра натпревар на кој покажа дека не е случајно еден од најдобрите македонски кошаркари, постигна 23 поени, Фурстингер и Димчевски запишаа по 17 поени, Тасоски 15. Ре.Димитриески одигра добра партија со 14 поени и 8 скока, Зеќири запиша 5, Ро.Димитриески 1 поен. Јурај Сегариќ помина 32 минути на паркетот, постигна 2 поени, 2 украдени топки, 4 скока и фантастични 15 асистенции.

Кај гостите најрасположен беше Фундербург со 16 поени.

Ваквиот пристап и игра на гостиварци ветуваат уште многу возбудливи натпревари во спортската сала Младост, пред гостиварската публика која пак е посебна приказна.

кликнете за поголема резолуција

Секоја чест и пофалба за публиката во Гостивар која го препозна моментот дека на играчите им е потребна вистинска поддршка и дојде во огромен број. Браво Гостивар!

кликнете за поголема резолуција