КК Гостивар го врати Јанески во родниот град

КК Гостивар го ангажираше гостиварецот Марјан Јанески. Искусниот крилен центар после 13 години повторно ќе го облече дресот на клубот од родниот град.

– Јанески ќе биде големо засилување за нашиот клуб. Ќе игра пред полни трибини, пред своја публика, се вклопува во концептот на Србиноски и сигурно нема да му недостига мотив во дресот на Гостивар. Сите во клубот посакуваме што повеќе гостиварци во екипата, но за тоа е потребна обострана искрена желба, клубот секогаш ја правел последната отстапка по ова прашање. – велат од КК Гостивар.

Популарниот „мачки “ има 32 години, висок е 203 cm, последниве две сезони за КК Работнички и КК Куманово одигра 55 натпревари со постигнати 697 поени, 289 скока и 114 асистенции, односно 12,7 поени, 5,2 скока и 2,1 асистенција по натпревар.

По заминувањето од Гостивар, Јанески настапуваше за Работнички, МЗТ, Торус и Куманово има натпревари и за кошаркарската репрезентација на Македонија.

КК Гостивар до сега ги обезбеди потписите на: Ренато Димитриевски, Александар Костовски, Ивица Димчевски, Диме Тасовски, Александар Штерјов и американецот Малком Армстед.