КК Гостивар и Сегариќ со извинување до кошаркарската јавност во Гостивар

На вчерашниот натпревар помеѓу КК Гостивар и МЗТ Скопје во последните секунди од натпреварот, дојде до мало „искрење“ помеѓу публиката и еден од домашните играчи.

Утрово во нашата редакција се јавија од КК Гостивар и еден од учесниците кој побара јавно да се извини на целата кошаркарска јавност во Гостивар.

„Им се извинувам на сите во публиката, клубот, навивачите и Гостивар за она што се случи. Во жарот на борбата помислив дека е некој од страна и намерно не провоцира, изреагирав импулсувно. И сега не знам што точно се случи. Се извинувам на сите уште еднаш, навистина ми е жал. Ќе се борам за вас секогаш“, рече Јурај Сегариќ.

И од Кошаркарскиот клуб Гостивар, спортски се извинија и заблагодарија на публиката.

„И од име на КК Гостивар се извинуваме на нашите навивачи за избрзаниот и непромислен потег на нашиот играч, Јуре е добро момче, безброј пати се извини после ситуацијата, сигурни сме дека се кае и нема лоши намери, впрочем сите заедно се бориме цела сезона и сите ја посакувавме победата вчера. Дополнително, сакаме најискрено да се заблагодариме на оваа наша гостиварска публика која не прави горди на секој натпревар и ни дава мотив за понатака“.