Вести
КК Гостивар ја прекина победничката серија на шампионот (80:78)
Вчера во Младост, се одигра дерби натпреварот помеѓу екипите на КК Гостивар и МЗТ Скопје, кошаркарите на Гостивар му го нанесоа првиот пораз на МЗТ Скопје (80-78) во новата сезона, во која претходно имаа шест победи по ред.
Екипите го оправдаа епитетот дерби натпревар, од самиот почеток се водеше битка за секој поен. Првата четвртина ја доби МЗТ со резултат (18-20), додека на полувреме се замина со водство на домаќините (41-39).
Во третата четвртина гостиварци покажаа „заби“, бодрени од публиката се уверија дека шампионот е ранлив поведувајќи со +9 поени (50-41), разлика која гостите брзо ја анулираа и во последните минути од натпреварот се влезе во целосна неизвесност. Резултатот се менуваше во полза и на двете екипи, КК Гостивар можеби можеше и нешто порано да ја завери победата, но Џелетовиќ и Доналдсон не ги искористија пеналите, со што ја одложија ерупцијата во Младост за неколку секунди подоцна со звукот на сирената.
Ѓорѓе Џелетовиќ го потврдува својот квалитет од натпревар во натпревар, тој беше најрасположен кај домашната екипа постигнувајќи 21 поен и 9 скока, на Диме Тасоски годините не му можат ништо, запиша 17 и 4 скока, американецот Доналдсон постигна 12 поени, 7 асистеници и 4 скока, Димчевски погоди 3 тројки од 4 шутеви 9 поени, Костоски 8, Ре.Димитриевски 6, Милан Димитриески постигна 5 поени.
На спротивната страна Омот беше прв стрелец со 19 поени, а капитенот Д. Стојановски запиша 18 поени.
Атмосферата беше жешка, но спортска во салата Младост во Гостивар на вчерашниот натпревар, гостиварската публика по којзнае кој пат покажа дека живее за натпреварите на КК Гостивар и е ветар во грб на играчите на теренот. Групата пак од 30-тина гостински навивачи на МЗТ Скопје, само допринесе овој натпревар да се забележи во низата спектакли кои ќе се паметат.
Оваа победа на кошаркарите на Гостивар со сигурност ќе влијае на нивната самодоверба во натамошниот дел од првенстовто, иако првите сигнали дека екипата знае да игра кошарака беа на натпреварот со Работнички во Скопје. Во следното коло „бело-сините“ гостуваат на екипата на Вардар.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар