КК Гостивар ја започнува својата одисеја во Првата кошаркаска лига

По четири месеци пауза најдобрите екипи во македонската кошарка викендов ја започнуваат трката по 27-тата шампионска круна во Првата лига.

КК Гостивар својата одисеја ќе ја започне пред својата публика. Утре, сабота од 18 часот избраниците на Марјан Србиновски, ќе ја пречекаат екипата на Кожув од Гевгелија.

Како најави во средата, на настанот по повод почетокот на новата сезона, Србиновски очекува годинава КК Гостивар да заврши барем место погоре од минатата, со што би обезбедиле плејоф.

– Ако се земат во предвид околностите и можностите имаме основа да најавиме добра игра и резултати. Ќе се обидеме да постигнеме такви за да се искачиме едно скалило погоре и да додјеме до плеј-офот. Поддршката на навивачите и помагачите на спортот и оваа година ќе ни биде неопходна, а ние на теренот ќе возвратиме со добри игри, рече Марјан Србиновски.

Милан Димитриески, Јурај Сегариќ, Александар Костоски, Ренато и Роберт Димитриевски, Димче Тасоски, Ивица Димчески, Јетмир Зеќири, Мартин Шалев и Џо Фурстингер се кошаркарите кои ќе ја водат главната битка во првенството, потпомогнати од младинците на КК Гостивар.

Поддршката од трибините на отварањето на сезоната им е повќе од потребна на кошаркарите. Управата на клубот, тренерот, кошаркарите ги повикуваат сите симпатизери на КК Гостивар да дојдат и заедно се изборат за прва победа во првенството.

Минатата сезона завршивме ТУКА, да ја продолижиме традицијата и оваа сезона.

Влезници за натпреварот може да се набават во Royal Garden B&B Tobacco во центарот на градот, ќе се продаваат и на билетарницата пред почеток на натпреварот. Влезниците се 50 денари.