КК Гостивар ќе „брка“ трета победа по ред против Шкупи (18 часот)

После двете врзани победи, против Фени Индустри и против Блокотехна во Гевгелија, во ова 7-мо коло КК Гостивар ја пречекува екипата на Шкупи.

Скопјани се последнопласирани на табевлата, сеуште немаат запишано победа во првенството, но далеку од тоа дека ќе се предадат без борба денеска во Гостивар.

„Бело-сините“ се на добар пат да ја продолжат победничката серија. После одличната партија во Гевгелија, фаворити се во денешниот дуел. Со 5 одиграни натпревари се наоѓаат на 6-тата позиција со 8 бодови, 3 помалку од лидерот на табелата.

Помеѓу кошаркарите владее победничка атмосфера, комплетни без повредени играчи, последниот тренинг пред натпреварот максимално го одработија сите кошаркари. Полните трибини во спортската сала Младост секогаш се мотив повеќе за кошаркарите. Поддршката од навивачите им е неопходна и на овој натпревар.

Натпреварот започнува во 18 часот, влезниците се пуштени во продажба може да се набават во Royal Garden и B&B Tobacco како и на благајна пред почеток на натпреварот.