КК Гостивар му го зеде „скалпот“ на шампионот и во Скопје: МЗТ Скопје-КК Гостивар 72:78

Фантастично отворање на вториот дел од првенството за гостиварските кошаркари. Во 12-тото коло во Скопје го совлада МЗТ Скопје со резултат 72:78 по четвртини (21:23, 14:15, 15:17, 22:23 ), нанесувајќи му го првиот пораз на шампионот во Јане Сандански во Скопје.

Првото полувреме целосно им припадна на гостиварци, добивајќи ги двете четвртини. Американецот Доналдсон испорачуваше се што е потребно за водство на тимот од Гостивар, контролирајќи го натпреварот.

Во вториот дел МЗТ Скопје се обиде да го преземе водството, што им успеа во неколку наврати, но во нити еден момент немаа поголема предност од еден поен. Ивица Димчевски во вториот дел имаше шутерски шоу и тоа во најзначајните моменти на натпреварот, кај домаќините Милошевиќ го правеше истото, но не ја доби поддршката од соиграчите. Одличната игра во одбраната се одрази и во нападот на гостиварци, имаа фантастичен процент на реализација од сите позиции на теренот. Шампионот МЗТ Скопје, не успеа да најде одговор на ваквата игра.

Донован Доналдсон беше најефикасен на натпреварот со 20 поени, Димчески постигна 19, Џелетовиќ 18. Костоски запиша 11, Штерјов 5, Тасовски 3 и Димитриевски 2 поени. Кај МЗТ Скопје најрасположени беа капитенот Стојановски 15 и Магдевски 11 поени.