Вести
КК Гостивар му го зеде “скалпот” на шампионот МЗТ Скопје (67:64)
Во преполна сала Младост, во спектакуларен натпревар со две различни полувремиња КК Гостивар го совлада актуелниот шампион МЗТ Скопје 67:64, по четвртини (8:16, 15:22, 18:18, 26:8)
Натпреварот започна сосема невообичаено мирно и ништо не наговестуваше на крајно возбудлив меч, дури 6 минути резултатот на семофарот покажуваше 2:2. МЗТ ја презеде играта и полека но сигурно ја зголемуваше разликата, во втората четвртина стигна дури до двоцифрена предност, 23:38 беше најголемата разлика во првиот дел.
Почетокот на третата четвртина беше изедначена во поени, но гостите се чинеше имаат целосна контрола врз натпреварот. Тогаш работите во свои раце ги презеде најискусниот во екипата на Србиновски, Димче Тасоски распали со сите сили по кошот на гостите, постигна вкупно 23 поени. Со четири тројки по ред ја топеше предноста на металците, се разбудија и Димчевски и Таварион Никс кој со спектакуларно забивање ги доведе “бело-сините” на само еден поен негатива. Во нареден напад Магдевски погоди за три, што доведе до ерупција во Гостивар. Во таква атмосфера гостите едноставно капитулираа.
Тасовски беше најзаслужен за оваа голема победа со 23 коша беше најефикасен на натпреварот, Димчевски, Магдевски и Сегариќ постигнаа по 9, Никс запиша 7 поени. Кај гостите од Скопје најефикасни беа Крафорд 13 и Лалиќ со 12 поени.
Публиката видно задоволна од прикажаната игра, громогласно ги поздрави кошаркарите по завршувањето на мечот. Наредно коло гостиварци му гостуваат на Работнички во Скопје.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk