КК Гостивар на гости кај Кожув во Гевгелија

На две кола пред крајот на регуларниот дел од Првата кошаркарска лига познати се сите патници во разигрувањето за титула и борбата за опстанок, но се води интересна битка за конечниот распоред на табелата и предноста од домашен терен.

КК Гостивар е во директна трка со ТФТ Скопје за третата позиција. „Бело-сините“ од Гостивар денеска од 18 часот му гостуваат на Кожув во Гевгелија, а „црно-белите“ од Тафталиџе од 20.30 се гости во Битола кај екипата на Пелистер.

Гостиварци имаат доста подобар скор во дуелите со екипата на Кожув, од 13 меѓусебни пресметки како победници излегле 9 пати, а гевгеличани славеле во 4 натпревари. Избраниците на Александар Јончевски изборија пласман во разигрувањето за титула како осмопласирана екипа, во досегашниот дел од натпреварувањето запишаа 8 победи и 12 порази.

Натпреварот се игра во салата “26 Април” во Гевгелија, во живо може да го следите ТУКА.