Вести
КК Гостивар на најубав начин им ја честита Новата година на гостиварци – Совладан Работнички (93-79)
Кошаркарите на гостиварскиот прволигаш со фуриозна игра ја совладаа екипата на Работнички во „Младост“ со резултат 93-79, со што се заковаа на втората позиција на табелата.
„Бело-сините“ од самиот почеток на натпреварот покажаа дека во овој дуел влегуваат само по победа и ништо друго. Гостите од Скопје го имаа првото водство од 0-2 и тоа беше единствениот позитивен резултат за нив на натпреварот. Првиот период им припадна на домаќините 27-20. Избраниците на Мираковски, најголемиот налет го имаа во вториот период, но одличната игра во одбрана на гостиварци не дозволи ниту минимално водство за гостите, на полувреме се замина со резултат 47-41.
Изедначената борба продолжи и во второто полувреме, актерите на теренот од двете екипи прикажаа одлична игра со многу атрактивни поени во кои уживаа љубителите на кошарката во Младост, третиот период беше изедначен 21-21. Во последните 10 минути, зовре атмосферата во Гостивар, како на трибинита така и на теренот, гостите се приближија на -2, но тоа како да беше знак Гостивар да распали со шутот за три, погодувајќи три тројки во серија со што се здоби со двоцифрено водство и победникот на овој натпревар повеќе не беше дилема.
Донован Доналдсон прикажа уште еден одличен натпревар, запиша 25 поени, 10 скокови и 7 асистенции, Џелетовиќ постигна 21 поен и 8 скокови. Добра и борбен натпревар имаше и капитено на гостиварци Ренато Димитриевски постигнувајќи 14 поени и 4 скока. Костоски и Димчевски запишаа по 10 поени, Штерјов 6, Тасоски 5 и Вучковиќ 2 поени.
Кај гостите најрасположен беше Лесколт кој постигна 25, Мијатовиќ запиша 16.
Со овој натпревар заврши првиот дел од кошаркарската сезона 2019/2020, КК Гостивар ќе презими на втората позиција. Вториот дел треба да започна кон крајот на јануари.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар