Вести
КК Гостивар поразен од Работнички, но останува не надигран
Гостивар и Работнички одиграа еден од најинтересните натпревари оваа сезона во Првата лига.
Победи Работнички, но мора да се каже дека се спаси во пеколот на салата „Младост“. Дојде како фаворит, а на крајот победи со 78:76 благодарение на одличниот финиш во кој покажа големо искуство и смиреност.
Натпреварот почна израмнето, но така беше само во првите шест минути кога на семафорот стоеше 11:11. Предводен од Гинјард, Работнички направи серија од 14:0 и по две минути игра во вториот период водеше со 25:11.
Гостивар успеа да се доближи на пет поени негатива (24:29), но во финишот на сцена стапи гостиварецот Виктор Ефремоски кој со четири тројки му ја донесе на Работнички најголемата предност (41:26) со која се замина на пауза.
Гостивар изгледаше скршен, но само во очите на навивачите. Со почетокот на второто полувреме стартуваше огромниот пресврт на домаќините предводен од искусните Тасовски и Димчевски.
Отвори постариот со две тројки во низа, а продолжи “детето на Работнички” со пет тројки кон крајот на третата и почетокот на последната четвртина. Од сигурна предност на полувреме, Работнички се најде во ситуација да брка негатива бидејќи во 31. минута на семафорот стоеше 59:54 за Гостивар.
Мора да се истакне дека Работнички го снајдоа низа несреќи. Во првото полувреме се повреди Мираковски кој остана на клупа, потоа се повреди и Чековски кој не се врати на теренот, а на стартот од второто полувреме и Чавдар Костов направи четири лични грешки поради што Докузовски мораше да го извади. Пресвртот на Гостивар се совпадна со неговото излегување од игра. Кога тој се врати и лидерот почна повторно да игра.
Во период од три минути во последната четвртина Работнички направи серија од 12:0 и повторно се најде во водство од 71:64 на помалку од пет минути пред крајот. Но, Гостивар и тука не дозволи да биде скршен. Повторно проработе инаетот и на нешто повеќе од минута пред крајот по тројката на Сегариќ израмни на 73:73.
Следуваа четири поени во низа на Гинјард, Сегариќ не го погоди следниот обид за три и на 24 секунди пред крајот на семафорот стоеше 73:77. Немаше повеќе време за нов пресврт.
Без разлика на поразот, Гостивар покажа дека мора сериозно да се смета на него. По одличната игра против МЗТ Скопје во вторникот, ова беше уште едно одлично издание на повратникот во Првата лига од кого во иднина можат да се очекуваат уште подобри игри.
Во одлично издание се прикажа Тодоровиќ кој заврши со дабл-дабл од 21 поен и десет скока, додека Димчевски со пет погодени тројки застана на 20 поени.
Во соработка со:
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар