КК Гостивар по продолжение го „скрши“ ТФТ Скопје 115-109

115-109 заврши натпреварот помеѓу КК Гостивар и ТФТ Скопје во последното 22. коло од регуларниот дел на првенството, со што гостиварци најверојатно го обезбедија 5. место на табелата.

Но, не одеше се според планот на домаќините иако први поведоа, гостите од Скопје прикажаа фантастична игра во првите 10 минути, на минута пред крајот на првиот период достигнувајќи двоцифрена предност, четвртината заврши (20-33). Гостите од Тафталиџе имаа и високи +15 во вториот период, но тогаш тргна офанзивата на Гостивар, успеаа да ја намалат негативата на -7, добивајќи го периодот (26-20), на полувреме се замина со резултат 46-53.

Изедначен беше натпреварот и во вториот дел, никој од екипите не успеваше да направи поголем исчекор, но како истекуваше времето на семафорт, така гостиварци го „кршеа“ противникот. Големата борба на паркетот продолжи и во последната четвртина, водството се менуваше во неколку наврти за на крај да се премине на екстра продолжеток, при резултат 90-90.

Во продолженијата гостиварци се покажаа како далеку поискусни и поефикасни. Добивајќи ги петте екстра минути (23:17), со што се постави конечниот резултат 115-109.

Аца Тодоровиќ со 28 поени и 7 скока беше најефикасен на натпреварот, Александар Костоски запиша 27 поени и 10 асистенции, Јанески запиша 22, Димчевски 10, Николиќ и Лакиќ по 8, Димитриевски 7, Тасовски 5 поени.

Кај ТФТ, Харис и Андерсон беа најрасположени со 26, односно 23 поени.