КК Гостивар победи кога најмалку се очекуваше – Совладан Пелистер 71-72

По двата порази во првите две кола од годинешната Суперлига, кошаркарите на Гостивар вечерва ја совладаа првопласираната екипа на Пелистер во Битола со резултат 71-72. Нанесувајќи му го првио пораз на лидерот на табелата на домашен терен.

Од самиот почеток можеше да се забележи желбата кај гостинската екипа да го добие овој натпревар и прекине негативната серија. Иако првиот период го добија битолчани (24-21), во вторите 10 минути гостиварци експлодираа дозволувајќи му на Пелистер да постигне само 4 поени, наспроти 23 на Гостивар, целосно преземајќи го водството. На полувреме се замина со резултат 25-40.

Во вториот дел Пелистер успеа да ја анулира предноста, внесувајќи го мечот во неизвесна завршница, со многу грешки и на двете страни, на крај за радост на гостиварци.

Никола Силаџи со 31 поен го предводеше Гостивар, Ре.Димитриевски постигна 13, Рансом 10 поени. Кај Пелистер Малешевиќ беше најефикасен со 21 поен.

Со оваа победа на тимот од Гостивар, кој во овој меч го водеше помошникот Никола Димитриевски, ги враќа пропуштените шанси за пласман во завршниот плеј-оф. Во следното коло му гостуваат на МЗТ Скопје.