Вести
КК Гостивар победи во Куманово (79:91)
Кошаркарите на КК Гостивар во возбудлив натпревар ја совладаа екипата на Куманово, во Куманово со резултат 79:91.
Домаќините одлично го отворија натпреварот, успаа за 10 минути да уфрлат 30 поени, наспроти 18 на гостите од Гостивар. За во вториот период гостиварци да сватат дека победата не може да дојде сама и заиграат како се очекува од оваа екипа, пред се во одбраната дозволувајќи му на противникот да постигне само 13 поени. На полувреме се замина со резултат 43:40.
Ефикасното прво полувреме беше само загревање за возбудливата и квалитетна кошарка која актерите на двете екипи ја прикажаа во вториот дел. Вистинска брканица и борба за секој поен беше во третиот период надмудрувајќи се под обрачите, каде кошаркарите на Гостивар на три минути пред истекот на 3/4 за прв пат го презедоа водството, периодот им припада на гостите 18:26. Во последната четвртина гостиварци веќе го контролираа натпреварот, наметнаа свој стил на игра кој го одржаа до крај на натпреварот, обезбедувајќи ја победата и второто место на табелата.
Ѓорѓе Џелетовиќ успеа да ја освои титулата најдобар стрелец кај гостите, иако сите поени ги постигна во вториот дел. Одличен натпревар одиграа Ентони Лее, Малком Армстед и Ивица Димчевски сите запишувајќи по 14 поени. Доналдсон постигна 11, Костоски запиша 9 поени, 10 асистенции и 5 скока, Штерјов 8 и Тасовски запша 6 поени и 7 скокови.
Кај домаќините најрасположен беше Марковски кој со 19 поени беше најдобар стрелен на натпреварот.
Следниот викенд КК Гостивар ќе ја пречека екипата на Пелистер.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk