КК Гостивар разочара против Кожув 75-81

КК Гостивар повторно разочара и го запиша третиот пораз во серија, губејќи го дуелот вечерва во Младост од екипата на Кожув 75-81.

Домаќините лошо го отворија натпреварот, ја загубија првата четвртина 10-29, по 20 минути игра гостите од Гевгелија заминаа на полувреме со предност 29-41.

Гостивар немаше решение во одбраната за противникот и во вториот дел, Кожув одржуваше двоцифрена предност до 100 секунди пред крајот, кога и се освестија домаќините, на 26 секунди пред истекот на времето разликата беше само +3 за гостите, но гостиварци немаа сила за целосен пресврт.

Александар Тодоровиќ со 23 поени и 12 скока беше најдобар поединец на теренот, Костоски успеа да запише 11 поени и 12 асистенции, но ја немаа поддршката од останатите соиграчи. Кај Кожув Скот 19, Силаџи 18 и Караџоски 17 беа најрасположени.