fbpx
Поврзи се со нас

Спорт

КК Гостивар се искачи на 2 позиција – Надиграна и екипата на Еуро Никел 89-99

Објавено

на

Заврши натпреварот во „Јасмин“ во Кавадарци, екипата на КК Гостивар ја совлада екипата на Еуро Никел 2005 со резултат 89-99

Гостиварци ја продолжија победничката серија во Првата кошаркарска лига, сезона 2020/2021, добивајќи го денешниот дуел против Еуро Никел. Од самиот почеток на натпреварот гостите ја имаа контролата врз играта, успевајќи во првиот период да постигнат 30 кошеви, (22-30). И вторите, ефикасни 10 минути им припаднаа на гостиварци (26-28), на полувреме се замина со +10 предност на гостите, 48-58. Доминацијата на „бело-сините“ продолжи и во вториот дел, добивјаќи ја и третата четвртина. Последниот период им припадна на домаќините.

Одличниот шут за три и овојпат беше најсилното оружје на гостиварци, на своја кожа вечерва го почувстуваа и кавадарчани (18 тројки), со 58% реализација. Натпреварот зарши 89-99.

Александар Тодоровиќ одигра одличен натпревар, беше најефикасен на теренот со 29 поени, Димчевски запиша 24, Вокер 19, Фрајдеј 13, Костоски 9, Јанески 3, Димитриевски 2 поени. Кај домаќините искусниот Јане Петровски постигна 23 поени.

Со оваа важна победа КК Гостивар се искачи на 2. позиција на табелата со 3 бодови помалку од лидерот Пелистер, но и 1 натпревари помалку. По комплетирањето на ова 14 коло, следи двонеделна пауза поради настап на репрезентацијата на Македонија.

Advertisement
Advertisement
Advertisement

ОГЛАСИ ЗА РАБОТА:

Advertisement

Популарно изминативе 100 дена

error: Содржината е сопственост на Gostivarpess.mk!