Поврзи се со нас

Спорт Гостивар

КК Гостивар сигурен против ФМП на отвoрањeто на сезоната 95:75

Кошаркарите на Гостивар славеа вечерва против екипата на ФМП Академија 95-75 и со победа ја почнаа новата сезона во кошаркарската суперлига на Македонија.

„Бело-сините“ од самиот почеток ја потврдија фаворитската улога, иако гостите од Скопје успеваа да парираат и резултатски да се во игра. Гостиварци во првата четвртина имаа и позитива од 10 поени, на полувреме се замина со резултат 41-38.

Во второто полувреме домаќините „додадоа гас“ и успеаа да резултатски да се одлепат, со што победата беше загарантирана. Доминацијата на паркетот на гостиварци им дозволи да прикажат неколку атрактивни потези, кои публиката во Младост громогласно ги награди.

Ѓорѓе Џелетовиќ на првиот натпревар го оправда прекарот „Џелат“, ги почести гостите од Скопје со 37 поени и беше убедливо најдобар поединец на теренот. Добра партија пружи и американецот Доналдсон кој запиша 16 поени и 5 асистенции, Костоски имаше исто толку асистенции и 11 поени. Вучковиќ запиша 8, Ре.Димитриевски 7 поени, Тасоски и Димчевски имаа по 6, Димитриески и Штерјов по 2 поени.

Кај ФМП Делипетров и Шалев беа најрасположени двајцата запишаа по 13 поени.

Веќе во следното коло гостиварци ќе имаат сериозен предизвик, во второто коло ќе му гостуваат на Работники во Скопје.

Advertisement
Остави коментар

Напишете коментар

Advertisement
Advertisement
Advertisement
Advertisement
Advertisement

Популарно