КК Гостивар сигурен против Карпош Соколи (111:83)

КК Гостивар вчера во спортската сала Младост во Гостивар ја забележа шестата победа во оваа сезона. “Бело-сините” ја совладаа екипата на Карпош Соколи со (111-83) по четвртини (22:26, 26:11, 31:24, 29:22).

Гостиварци иако фавороти лошо го отворија натпреварот, дозволија гостите од Скопје да постават своја игра и офанзивно доминираат во првите 15 минути. Работите си дојдоа на свое место кога домаќините заиграа поагресивно во одбраната и набрзина го свртеа резултатот во своја полза. Не дозволувајќи до крајот на мечот било какви изненадувања.

Диме Тасовски го одигра најдобриот натпревар во дресот на КК Гостивар, постигна 27 поени, 6 скока, 4 асистенции и шут за три 5 од 6. Тодоровиќ 21, Димчевски 19 поени. Дури десет кошаркари запишаа поени на овој натпревар, што не беше пример во изминатите натпревари.

Кај Карпош Соколи најефикасни беа Атанасов 28 и Богдановски 20 поени. Гостиварецот во редовите на Соколи, Заревски одигра 40 минути и постигна 16 поени.