КК Гостивар сигурен против МЗТ 2 (78-62)

КК Гостивар со победа го започна вториот дел од првенството во оваа сезона, совладувајќи ја екипата на МЗТ 2 со резултат 78-62

Натпреварот започна со изедначено темпо, младата и амбициозна екипа на МЗТ 2 без многу респект кон домаќинот влезе во натпреварот внесувајќи резултатска неизвесност во првата четвртина, но искусната и видно желна за победа екипа на гостиварци не дозволија несакан тек на натпреврот. На полувреме резултатот беше (43-37), за во вториот дел КК Гостивар обезбеди солидна разлика добивајќи го третиот период (25-16), четвртиот (10-9) за конечен резултат 78-62.

Дефицитот на плејмејкерската позиција кај гостиварци го „фрли“ во оган младиот Ристоски, кој пак одигра одличен натпревар и запиша 32 минути игра, постигнувајќи 6 поени и 5 асистенции. Александар Костоски со 20 поени беше најефикасн кај домаќините, одличен натпревар одигра и новајлијата Фрајдеј постигнувајќи 16 поени и 8 скока. Јанески запиша 11, Димчески 8, Тодоровиќ 7, Штерјов 4, Тасовски 2. По 2 поени запишаа и Пецаноски и Стојаноски.

Младиот репрезентативец на МЗТ 2, Лука Савичевиќ со 22 поени беше најефикасен на натпреварот.

Доколку нема непланирани одлагања поради ковид-19 сезоната, КК Гостивар во среда треба да гостува во Куманово.