КК Гостивар со убедлива победа против Кожув ја прекина негативната серија

Кошаркарите на КК Гостивар ја прекинаа серијата од три порази со сигурен настап против Кожув, добивајќи го натпреварот со +29 поени разлика, односно 97-68.

Кожув парираше само во првите 10 минути, период кој беше изедначен (24-22), а потоа се беше во знакот на домаќинот. Цврстата одбрана на гостиврци во вториот период ги задржа гостите на само 13 постигнати поени (21-13), по што на паузата се замина со резултат 45-35.

Победникот беше одлучен во третиот период во кој кошаркарите на Гостивар успеаа да постигнат 33 поени, добивајќи го периодот (33-17), а до крајот само рутински ја довршија работатата за конечни 97-68.

Александар Тодоровиќ со 28 поени и 9 скока ги предводеше гостиварци, Ворку запиша 16, Ефремовски и Дејли по 15, Силаџи 11 поени, Јанески постигна 10 и младиот Тома Стојаноски 2 поени.

Кај Кожув најрасположен беше Симоновски со 16 поени.