КК Гостивар убедлив против ТФТ Скопје 89-75

Кошаркарите на Гостивар синоќа ја запишаа петтата своја победа сезонава, триумфирајќи со 89-75 во 7. коло од Првата македонска кошаркарска лига против ТФТ Скопје.

Доста израмнето прво полувреме беше видено вчера во Младост во Гостивар, во кое гостите во поголемиот дел имаа предност се до финишот кога домашните го презедоа водството. Петте поени предност на полувремето (47-42), гостиварци знаеја да ги одржуваат и постепено зголемуваат низ второто полувреме за на крајот и убедлива победа од 14 поени разлика (89-75).

Гостивар сега е на второто место на табелата со скор 5-2, пред ТФТ кој исто така има скор 5-2. Во следната рунда КК гостивар му гостува на МЗТ Скопје.