КК Гостивар успеа да ја совлада екипата на Чаир 89-84

Екипата на КК Гостивар по два врзани порази, вчера со крајно борбена игра успеа да ја совлада екипата на Чаир 2030, во натпреварот од 7. коло во Првата македонска кошаркарска лига.

Натпреварот имаше две различни полувремиња првото кое им припадна на гостите од Скопје добивајќи го првиот период (16-24), вториот заврши изедначено (20-20), на полувреме да заминат со предност 36-44.

И второто кое им припадна на домашниот тим, надобриот период играчите на КК Гостивар го имаа во третата четвртина која ја добија со 10 поени разлика преземајќи го водството. Во последниот квартал домаќините стигнаа и до двоцифрена предност, но чаирчани, сепак, направија драма, се доближија на 86-84 на минута пред крајот, но потоа Вензант погоди за +4 и стави точка на мечот 89-84.

Корбет од Чаир 2030 со 36 поени и 17 скока беше убедливо најдобар поединец на мечот, Инграм кој ги одигра сите 40 минути за КК Гостивар постигна 26 поени.

Гостиварци од 7 одиграни натпревари имаат збир од 3 победи и 4 порази.