КК Гостивар утре против Еуроникел ја продолжува трката за Ф4

Продолжуваат возбудувањата во кошаркарското првенство сезонава, каде екипата на КК Гостивар се бори за пласман помеѓу најдобрите четири екипи кои ќе разигруваат во завршниот Плеј-оф.

Утре, (недела) од 18 часот, гостиварци ќе го пречекаат директниот конкурент за третото место екипата на Еуроникел.

Актуелниот вицешампион од Кавараци, сезонава запиша 16 победи и 11 порази и има само бод повеќе од екипата на Гостивар. Во Суперлигата играат топло-ладно од 5 натпревари избраниците на Горан Самарџиев ги совладаа Гостивар и ТФТ Скопје, а загубија од МЗТ Скопје, Пелистер и Феникс 2010.

КК Гостивар со победите над Пелистер и ТФТ Скопје во последното коло се вратија во целосна игра за пласман помеѓу најдобрите четири екипи, утрешниот дуел со Еуроникел е значаен и за двете екипи, победникот значително ќе си ги зголеми шансите за финалната завршница.

Традицијата во овој двобој е наклонета кон домаќинот, од 15 последни натпревари КК Гостивар има 9 победи, наспроти 6 на Еуроникел.